ទូរសព្ទ Samsung Galaxy S25 Edge កម្រាស់ស្តើងជាងគេរបស់ Samsung

តាំង ចន្ថា
May 15
1 min read

ទូរសព្ទ Flagship ស្តើងបំផុតរបស់ Samsung បានប្រកាសលក់កាលពីថ្ងៃទី១៣ ខែឧសភា ឆ្នាំ២០២៥ កន្លងទៅ គឺ Samsung Galaxy S25 Edge ដែលមានកម្រាស់ត្រឹមតែ ៥.៨មម និងទម្ងន់ស្រាល ត្រឹមតែ ១៦៣ក្រាម ដោយសារតែតួខ្លួនធ្វើឡើងពីទីតានីញ៉ូមរបស់វា។

ទូរសព្ទនេះ មិនមែនជាទូរសព្ទតម្លៃធូរថ្លៃរបស់ Samsung ឡើយ ដោយសារតែតម្លៃខុសគ្នាតិចតួចជាមួយនឹង Galaxy S25 Ultra។ ទូរសព្ទ Samsung Galaxy S25 Edge សម្រាប់អ្នកដែលចង់បានទូរសព្ទដែលស្តើង ស្រាល និងមានមុខងារដូច Flagship ទូទៅ។

នេះជាចំណុចសំខាន់ៗដែលអ្នកត្រូវដឹងអំពី S25 Edge៖

កាំមេរ៉ា២គ្រាប់ 200 MP, f/1.7, (wide), 1/1.56" (សេនស័រតូចជា S25 Ultra) និង 12 MP, f/2.2, (ultrawide), PDAF
អេក្រង់ដូច LTPO AMOLED 2X ដូច S25 Ultra តែអត់មាន DX anti-reflective coating សម្រាប់ការពារចំណាំងផ្លាត
ថ្មតូចត្រឹមតែ 3900 mAh ដោយសារតែកម្រាស់ស្តើងរបស់វានេះហើយ ជាមួយនឹងកម្លាំងសាក ២៥វ៉ាត់ និងសាកឥតខ្សែ ១៥វ៉ាត់
Chip Snapdragon 8 Elite ដូច S25 Ultra ដែរ